د امنيتي سکتور لوړپوړو مقاماتو د افغانستان اسلامي جمهوري دولت د ملي امنيت سلاکار ډاکټر حمدالله محب په مشري غونډه وکړه او د هېواد عمومي امنیتي وضعیت یې و ارزاوه.
د ملی امنیت شورا د دفتر د راپور له مخی، په غونډه کې هغه طرزالعمل تصويب شو چې له مخې يې د ملکي شهيدانو او ټپيانو له کورنیو سره نقدي مرسته کېږي او کمکي کڅوړې ورکول کېږي.
دغه راز په افغانستان کې د بهرنیو بنديانو د ملاقات لپاره دلته د مېشتو بينالمللي سازمانونو او کنسولي نمايندهګيو لپاره تنظيم شوی ميکانيزم هم تصويب شو چې له دې وروسته به د بهرنیو بندي اتباعو ملاقاتونه د همدې تګلارې له مخې چمتو کېږي.
