ملا برادر له کاظمي قمي سره په کتنه کې د کابل او تهران ترمنځ د همکاریو پر پیاوړتیا ټینګار وکړ
ډید خبري آژانس: د صدراعظم اقتصادي مرستیال ملا عبدالغني برادر د افغانستان لپاره د ایران له سفیر او ځانګړي استازي حسن کاظمي قمي سره په کتنه کې د دواړو هېوادونو اړیکې مثبتې و ارزولې.
په دې کتنه کې چې نن (پنجشنبه د سلواغې ٦مه) تر سره شوه، ملا برادر د ايران له لارې اروپايي هېوادونو ته د افغاني توکو د لېږد لپاره د لا ډېرو اسانتياوو د رامنځته کولو غوښتنه وکړه.
د صدر اعظم د اقتصادي مرستیال د څرګندونو له مخې، ملا برادر د افغانستان او ایران اړیکې مثبتې وبللې او ټینګار یې وکړ چې دواړه هېوادونه باید د اړیکو د پیاوړتیا لپاره په ګډه کار وکړي.
ملا برادر په افغانستان کې د اورښتونو يادونه هم وکړه او ويې ويل چې سږ کال د هیرمند سيند د اوبو کچه لوړه ده او هيله لري چې د پولې دواړو غاړو ته خلک ترې ګټه واخلي.
حسن کاظمي قمي په دې کتنه کې وویل: ایران د افغان سوداګرو د بانکي ستونزو د حل، د چاپېریال ساتنې له ننګونو سره د مبارزې، د کرنې د عصري کولو په برخه کې د همکارۍ، د ایران له لارې د افغانستان د سوداګرۍ او ټرانزیټ د کچې د لوړولو او په نورو برخو کې چمتو دی. ابعاد هم باید همکاري وکړي.
