ډید خبري اژانس: نهاد کاپ وايي، د اقلیم بدلون افغانستان د نړۍ په کچه څو چنده زیات ګواښي.
ډیپلوماټ اف ایشیا مجلې راپور ورکړی چې په نړیواله کچه د افغانستان انزوا او د طا-لبانو بې کفایتي د دې هېواد د اقلیم بحران سیمې او بهر ته د خپرېدو په اړه اندېښنې راپارولي دي.
د دې سازمان په وینا، په افغانستان کې د طا-لبانو د بیا واک ته رسیدو یو له منفي اغیزو څخه د اقلیم د بدلون له نړیوالو غونډو څخه د هیواد ایستل دي، په شمول د شنو اقلیم صندوق (GCF) غونډو.
د دغه راپور پر بنسټ، افغانستان یوازې د خپلې اړتیا ۴۰ سلنه برېښنا پوره کولای شي او دغه ناکافي تولید د هېواد په روغتیايي مرکزونو کې د شاوخوا شپږ ساعتونو برېښنا د کمښت لامل شوی دی.
بايد يادونه وشي چې افغانستان د سياسي او اقتصادي بحران تر څنګ د اقليمي بدلون له بحران سره هم مخ دی.
د ځمکې لاندې اوبو کمښت، ویجاړونکي سیلابونه، د تودوخې لوړوالی، د اورښت کموالی، بې وخته بارانونه او د هوا د رطوبت بدلون په افغانستان کې د اقلیم د بدلون له نښو څخه ګڼل کیږي.
