پاکستان د افغان مسافرو لپاره د «واحد سند» سیسټم د پلي کولو اعلان وکړ
ډيډ خبري اژانس: د پاکستان حکومت اراده لري چې د برتانيې د دورې له هغه سيسټم څخه د خلاصون لپاره خپلې ټولې هڅې په کار واچوي چې د افغانستان او پاکستان خلکو ته له ويزې پرته د سفر اجازه ورکوي.
یوه لوړ پوړي پاکستاني چارواکي چې له دغو پرمختګونو سره اشنا دی پرون وویل چې حکومت پریکړه کړې چې له افغانستان سره په ټولو سرحدي پولو کې د «واحد سند» سیستم پلي کړي.
اوس مهال افغانان کولای شي چې د «تخره» له لارې په ځینو سرحدي لارو کې له ویزې پرته پاکستان ته سفر وکړي.
دا کړنه په اصل کې د دې لپاره وه چې په دواړو غاړو کې د کورنیو او قومونو ویش ته لاره هواره کړي، کله چې انګریزانو د ډیورنډ کرښه په نښه کړه.
که څه هم دا پالیسي د دواړو هېوادونو په ځینو پولو کې موجوده وه، خو اوس به په ټولو سرحدي نقطو کې تطبیق شي.
د دې نوې تګلارې له مخې به ټول هغه افغانان چې په پاکستان کې په ناقانونه توګه ژوند کوي، ویستل کېږي.
د پاکستان د حکومت د اټکلونو له مخې شاوخوا ۱،۱ میلیونه افغانان په پاکستان کې په غیر قانوني توګه مېشت دي.
