دید خبری آژانس: ولادیمیر پوتین په یوه فرمان کې البرټ خوریف په پاکستان کې د دغه هیواد د نوی سفیر په توګه وټاکه.
د روسیې ولسمشر ولادیمیر پوتین له ۲۰۱۹ کال راهیسې په پاکستان کې د روسیې سفیره دانیلا ګنیچ له دندې ګوښه کړه.
د TASS په وینا، ولادیمیر پوتین پرون یو فرمان لاسلیک کړ چې البرټ خوریف یې په پاکستان کې د روسیې د نوي سفیر په توګه وټاکه.
په دغه حکم کې راغلي دي: البرټ خوریف د پاکستان اسلامي جمهوریت لپاره د روسیې فدراسیون د فوق العاده سفیر په توګه ټاکل شوی دی.
په یوه بل فرمان کې دانیلا ګانیچ چې له ۲۰۱۹ کال راهیسې په پاکستان کې د روسیې سفیره وه له دندې ګوښه شوې ده.
خوریف تر دې مخکې د روسیې د بهرنیو چارو په وزارت کې د اسیا د دوهمې څانګې مرستیال و.
هغه د افغانستان د څانګې مشر هم و.
