دید خبري آژانس د خبر له مخې، د پاکستان پارلماني ټاکنې په ځايي وخت سهار اته بجې پیل شوې.
د پاکستان اوسېدونکو د پنجشنبې په ورځ (د دلو ۱۹) په پارلمان کې د خپلو استازو د ټاکلو لپاره رایه اچونه وکړه.
پاکستاني رسنیو اعلان کړی چې د رایې ورکولو بهیر به نن مازدیګر تر پنځو بجو دوام وکړي.
شاوخوا ۱۲۸ میلیونه کسانو د رایې ورکولو لپاره نوم لیکنه کړې ده.
خو د انتخاباتو له پیله یو ساعت مخکې په ټول پاکستان کې د ټیلیفون خدمات وځنډول شول.
د پاکستان د کورنیو چارو وزارت په ټولټاکنو کې د رای اچونې له پیل څخه شاوخوا یو ساعت مخکې اعلان وکړ چې په ټول هیواد کې یې د ټیلیفون خدمات «موقتي» ځنډولي دي.
دغه وزارت په یوه بیان کې لیکلي چې دا پرېکړه د «امنیتي وضعیت د خرابوالي» له امله شوې ده.
