ډید خبري اژانس: په ملګرو ملتونو کې د روسیې دایمي استازي ویلي، هغه ترهګرې ډلې چې د بهرنیو استخباراتي سازمانونو په ملاتړ په افغانستان کې فعالې دي، لا هم منځنۍ اسیا ته ګواښ دی.
په ملګرو ملتونو کې د روسیې د دایمي استازې مرستیالې انا یوستیګنوا پرون وویل چې په افغانستان کې فعالې ترهګرې ډلې چې د بهرنیو استخباراتي ادارو له خوا یې ملاتړ کیږي، د منځنۍ اسیا هېوادونو ته ګواښ دی.
د یوستیګنیوا په وینا، د داعش د خراسان څانګې د فعالیتونو له امله رامنځ ته شوي امنیتي خطرونه د روسیې لپاره د اندیښنې وړ دي، ځکه چې دا ډله د لویدیځ د مداخلې په کلونو کې پیاوړې شوې ده.
هغه د امنیت شورا په غونډه کې وویل: موږ وینو چې ترهګر په قصدي ډول د ترهګریزو بریدونو په تنظیمولو، د وېرې او مایوسۍ فضا په مسمومولو او د طا-لبانو په استازیتوب د بدو مسلمانانو پر وړاندې د چاقو د تیزولو غوښتنه کوي.
هغه وویل چې د «مرکزي اسیا هیوادونو څخه هاخوا» د تروریستي فعالیتونو ګواښ «بلا حقیقي دی.»
هغه په ډاګه کړه، چې د افغان طا-لبانو د ترهګرۍ ضد هڅې کافي نه دي.
هغه زیاته کړه: دا له هیچا پټه نه ده او پخپله وسله وال وايي چې داعش د بهرنیو استخباراتي کړیو په ګډون له هېواد څخه ملاتړ کوي. په هرصورت، دا زموږ لپاره د حیرانتیا خبره نه ده.
