جمهوررئیس غني: موږ باید د فرهنګ د تولید په برخه کې فرهنګي فکر ایجاد کړو

د افغانستان د اسلامي جمهوریت د جمهوررئیس محمداشرف غني په مشرۍ د اطلاعاتو فرهنګ وزارت د چارو د ښه والي په موخه غونډه، نن مازدیګر په ارګ کې جوړه شوه.

د افغانستان د اسلامي جمهوریت د جمهوررئیس محمداشرف غني په مشرۍ د اطلاعاتو فرهنګ وزارت د چارو د ښه والي په موخه غونډه، نن مازدیګر په ارګ کې جوړه شوه.
د دید خبري آژانس به رپوت، په پیل کې د اطلاعاتو فرهنګ وزارت سرپرستې حسینې صافۍ په خپلو خبرو کې استاد ګلزمان او یو شمېر نورو هنرمندانو ته د مرستې په خاطر د دغه وزارت د وړاندېز د منظورۍ او همدا راز د تاریخي اثارو د ترمیم لپاره د ۱۶۰ میلیون افغانیو د تخصیص په خاطر د جمهوررئیس مننه وکړه.
وروسته د اطلاعاتو فرهنګ وزارت معین پوهاند محمدرسول باوري او د دغه وزارت یو شمېر رئیسانو په خپلو خبرو کې وویل، د دغه وزارت اړوند د ځینو قوانینو د تعدیل پیشنهادي طرحه او یو شمېر مقررې عدلیې وزارت ته استول شوي.
د اطلاعاتو فرهنګ وزارت مسوولینو څرګنده کړه د نشراتو پالیسي تکمیل شوې او د رسنیو د نظریاتو له ترلاسه کولو وروسته به په نږدې راتلونکي کې د ټولو د لاسرسي وړ او تطبیق شي، همدارنګه فرهنګي ملي پالیسي چمتو شوې او د نظرغوښتنې په خاطر ولایتونو ته استول شوې ده.
دوی د اطلاعاتو فرهنګ وزارت د عایداتي طرحې او تشکیلاتي ستونزو د وړاندې کولو پر مهال وویل، د دغه وزارت تشکیل مخکېنی دی او د بیا کتنې په موخه یې د جمهوررئیس د لارښوونې غوښتنه وکړه.
یادو مسوولینو د دې په بیانولو سره چې ددغه وزارت په ولایتي ادارو کې مثبت او اغیزمن تغییرات جریان لري، وویل: باید د اطلاعاتو فرهنګ وزارت عایدات پر دې وزارت مصرف شي او د فرهنګي میراثونو د ملاتړ صندوق ایجادول یوه څرګنده اړتیا ده.
جمهوررئیس غني د دوی د وړاندیزونو او نظریاتو له اورېدو وروسته وویل، د اطلاعاتوفرهنګ وزارت د ښه والي په اړه ستاسې هڅې ښې دي، خو په ځینې مواردو کې جدي تغییراتو ته اړتیا ده.
هغه زیاته کړه، د فرهنګي فکر د توليد په خاطر دې د ځوانانو یوه کمېټه ایجاد شي او د خلاقو هنرمندانو د تقدیرولو او هغه هرمندان چې له مالي ستونزو سره مخ دي، طرحه وړاندي کړي.
جمهوررئیس وویل، موږ باید د فرهنګ د تولید په برخه کې، فرهنګي فکر ایجاد کړو او له هیواده بهر زموږ په ډیپلوماټیکو استازولیو کې زموږ فرهنګي اتشې باید د افغانستان د تاریخ، فرهنګ او جغرافیې څخه اګاه اوسي.
جمهوررئیس دېته په اشارې چې د موزیمونو پر ایجاد اغېزمن کارونه شوي وویل، موزیمونه باید د واحدې برنامې تر چتر لاندې مدیریت شي او له ټکنالوژۍ پرته موزیمونه به چې افغانستان له بهرنۍ نړۍ سره وصلوي، موثریت ونه ولري.
جمهوررئیس د خپلو خبرو په پای کې وویل، کتیبې د فوق العاده ارزښت لرونکي دي او د هغو د ساتنې په برخه کې باید زیات کار وشي، موږ باید پر خپل فرهنګ یو نسل پانګونه وکړو.