په هرات کې ۷۵۰۰ امیندواره میرمنې د زلزلې له امله اغیزمنې شوې دي
دید خبری آژانس: د ملګرو ملتونو د نفوسو صندوق وایی چی په هرات کی د وروستیو زلزلو له امله شاوخوا ۷۵۰۰ امیندواره میرمنی اغیزمنی شوی دی.
دغه صندوق د یکشنبې په ورځ (د میزان ۳۰مه) په یوه راپور کې ویلي چې هرات ته یې اته ګرځنده طبي ټیمونه د امیندوارو ښځو او د زلزلې له نورو زیانمنو شویو سره د مرستې لپاره استولي دي.
د ملګرو ملتونو د نفوسو د صندوق په راپور کې راغلي چې په دې برخه کې د مرستو اړتیا لا هم ډېره ده.
د دغه رپوټ له مخې د هرات په ځينو سيموکې د دغو زلزلو له امله د کورونو ټول ښيښې ماتې شوې او زيات شمېر بې ځايه شويو کسانو په لنډمهاله توګه په خېمو او پرېوتو ودانيو کې پناه وړې ده.
د افغانستان لپاره د ملګرو ملتونو د وجهي صندوق استازې جیمي نادال ویلي چې ډېرو ښځو هر څه له لاسه ورکړي دي.
هغه زیاته کړه چې UNFPA هڅه کوي ترڅو ډاډ ترلاسه کړي چې امیندواره میرمنې د زیږون لپاره مناسب روغتیایی خدمتونه ترلاسه کوي.
د شنبې په ورځ د رېکټر په کچه د ۶،۳ درجې یوې زلزلې د هرات ولایت د زنده جان ولسوالۍ او څو نورې ولسوالۍ ولړزولې. په دې دوو اوونيو کې څو نورې زلزلې او وروسته ټکانونه هرات ولړزاوه.
