اسلایدشوافغانستانروستي خبرونهسیاست
په تېرو دوو مياشتو کې د پاسپورټ رياست نږدې دوه ميليارده افغانۍ عوايد ترلاسه کړي دي
دید خبری آژانس: د کورنیو چارو وزارت د پاسپورتونو عمومي ریاست وايي چې په تېرو دوو میاشتو کې دې ریاست شاوخوا دوه میلیارده افغانۍ عواید ترلاسه کړي دي.
د دې ادارې ویاند نورالله پتمن وايي، دې ادارې د دلو میاشتې له پیل څخه د کب میاشتې تر ۲۱ مې نیټې پورې ۱ میلیارد ۸۴۴ میلیونه افغانۍ عواید راټول کړي دي.
د هغه په وينا، تر دې مهاله څه باندې درې سوه زره پاسپورټونه وېشل شوي دي.
د هیواد د اتباعو د کډوالۍ د زیاتوالي له امله د پاسپورتونو غوښتنه لوړه ده. په ورته وخت کې، د پاسپورت ترلاسه کولو پروسه خورا ورو ده. د هېواد ځينې اوسېدونکي وايي، چې د پاسپورټ ترلاسه کولو لپاره يې له يو کال څخه زيات انتظار وکړ.
د افغانستان پاسپورت اوسمهال د دغه هېواد د تېر حکومت له لوګو سره وېشل کېږي.
دا پاسپورټ اوس د نړۍ تر ټولو کم ارزښته پاسپورټ بلل کېږي.
