مک کال: بایډن د امریکا په پیسو د طا-لبانو او نورو ترهګرو ډلو جیبونه ډکوي
ډید خبري اژانس: د کانګرس د بهرنیو اړیکو د کمېټې مشر د بایډن پر حکومت نیوکه کړې او ویلي یې دي چې د امریکايي مالیه ورکوونکو د پیسو د «طا-لبانو په څېر ترهګرو ډلو» جیبونو ته د اچولو په برخه کې شفافیت نشته.
د امریکا د استازو مجلس د بهرنیو اړیکو د کمیټې مشر مایکل مک کال په افغانستان کې بشري مرستو ته د طا-لبانو د لاس رسي په اړه د سیګار د راپور په غبرګون کې وویل: «دا د نفرت او غندنې وړ خبره ده چې د امریکايي مالیه ورکوونکو پیسې د طالبانو په څیر د یوې ترهګرې ډلې جیبونو ته ځي».
مک کال پرون د یوې اعلامیې په خپرولو سره له افغانستان سره د امریکا په مالي مرستو کې د شفافیت پر رامنځته کولو ټینګار وکړ.
هغه په خپله وینا کې زیاته کړه: «د ولسمشر بایډن له ګډوډۍ او وژونکي وتلو سره په افغانستان کې بشري ناورین د پام وړ خراب شو. دا د خواشینۍ وړ ده چې د امریکا د مالیه ورکوونکو پیسې د طا-لبانو په څیر تروریستي ډلو جیبونو ته ځي چې افغان ښځې او نجونې ځوروي، القاعده او نور ترهګر تمویلوي، د مذهبي لږکیو پر ضد جنایتونه کوي او ورځنی ګڼ شمیر جنایتونه کوي او نور بشري حقونه تر پښو لاندې کوي».
هغه زیاته کړه چې د بایډن حکومت د میاشتو لپاره د امریکا له مرستو څخه د طا-لبانو د لرې ساتلو په اړه د وضاحت لپاره د هغه غوښتنې ته ځواب نه دی ویلی.
باید وویل شي، چې سیګار په دې وروستیو کې اعلان کړی و، چې په افغانستان کې د طا-لبانو له واک ته رسېدو وروسته دغه هېواد د طا-لبانو تر واک لاندې افغانستان ته له ۲.۳۵ میلیارده ډالرو زیاته مرسته کړې او په دې اړه چې طا-لبان ترې ګټه پورته کوي، هېڅ ډول شفافیت نه لري، ګټلی نشته.
