ډید خبري اژانس: د پاکستان د بهرنیو چارو وزیر په اسلام اباد کې د ازبکستان له سفیر سره په لیدنه کې د سیمه ییزو همکاریو په اړه خبرې کړې دي.
د پاکستان د بهرنیو چارو وزیر بلاول بوټو زرداري د چهارشنبې په ورځ (د اسد ۵ مه) په یوه ټویټ کې ویلي چې په اسلام اباد کې یې د ازبکستان له سفیر آیبیک عثمانوف سره وکتل.
بوټو زرداري په دې اړه لیکلي: موږ د اقتصادي او سیمه ییزو همکاریو پر مسایلو خبرې وکړې.
هغه د سوداګرۍ، پانګونې او اتصال په ګډون په بېلابېلو برخو کې د دواړو هېوادونو د مثبتو اړیکو ستاینه وکړه، لکه د افغانستان د اورګاډي پټلۍ پروژه.
دا غونډه د تاشکند په کوربه توب د افغانستان په اړه له نړیوال کنفرانس وروسته جوړه شوه.
