ډيډي خبري اژانس: د سرپرست حکومت د زندانونو د چارو مرستیال حبيب الله بدر وايي، اوسمهال په افغانستان کې د ۲۵ بهرنيو اتباعو او ۸۵۰ ښځو په ګډون ۱۹ زره کسان بنديان دي.
که څه هم ښاغلي بدر د بهرنیو بندیانو د هویت په اړه جزئیات ورنه کړل، خو دا تورونه یې «جنايي جرمونه» وبلل.
هغه د ښځينه بنديانو په اړه وويل، چې د هغوى په شمېر کې بدلون راځي، ځکه ځينې يې خوشې کېږي او نورې ښځې د هغوى پر ځاى زندان ته ننوځي.
دا په داسې حال کې ده چې په دې وروستیو کې د نجونو او ښځو د نیول کیدو بهیر د هغه څه له امله زیات شوی چې د مطلوب حجاب نه مراعات بلل کیږي.
باید وویل شي، چې د راپورونو پر اساس یو شمېر ښځینه بندیانو له خوشي کېدو وروسته ځان وژنه کړې ده.
