په پلازمینې کابل کې یو تن ځانمرګي بریدګر له چاودیدونکو توکو ډک موټر سره یو ځای نیول شوی
د راپورنو له مخې، دغه ځانمرګي بریدګر د امنیتي ځواکونو له خوا د کابل ښار د پنځمې امنیتې په اړوند سیمه کې نیول شوی دی.
امنیتي چارواکي وایي، وسله والو غوښتل یې د موټر بم په ذریعه په کابل ښار کې ځانمرګي برید ترسره کړي خو ځانوژونکي هدف ته له رسېدو مخکې د ملي امنیت ریاست موظفینو له خوا ونیول شو.
په مرکز میدان وردګو ولایت کې سیمه ییز امنیتي چارواکي هم تیره ورځ وویل، چې د یاد ولایت امنیتي ځواکونو د حقاني شبکې هغه پلان یې شنډ کړی چې غوښتل یې په پلازمینې کابل کې ځانمرګي برید ترسره کړي.
د میدان ورګو امنیه قومانداني چارواکي وایي، د حقاني ترهګری شبکې اړوند یو تن ځانمرګي بریدګر چې غوښتل یې کابل کې برید وکړي د امنیت ځواکونو له خوا په جلریز ولسوالی کې نیول شوی دی.
دا په داسې حال کې ده چې تیره اونی په پلازمینې کابل کې د پر له پسې موټر بم او ځانمرګي بریدونو په ترڅ کې تر ۱۵۰ زیات کسان ووژل شول او سلګونه نور ټپیان شول.
