په بلوچستان کې د نامعلومو وسله والو په برید کې ۱۴ پاکستاني پوځیان وژل شوي دي
دید خبری آژانس: د پاکستان پوځ اعلان کړی چې د بلوچستان په ګوادر سیمه کې د ترهګرو په کمین کې د دغه هېواد لږ تر لږه ۱۴ پوځیان وژل شوی دی.
د پاکستان د پوځ عامه اړیکو اعلان وکړ: د ۲۰۲۳ کال د نوامبر په دریمه نیټه، د امنیتی ځواکونو دوه ګاډی چې له پسنی څخه د ګوادر په سیمه کښې د اورمارې په لور روان وو، د ترهګرو له خوا په نښه شول. په دې بدمرغه پېښه کې ۱۴ تنه عسکر ووژل شول.
پوځ زیاته کړه چې په سیمه کې د پاکولو عملیات روان دي او ژمنه یې وکړه چې د دې ناوړه عمل عاملین به محاکمه او عدالت ته راکاږي.
د پوځ په خبرپاڼه کې زياته شوې چې د پاکستان امنيتي ځواکونه له دغه هېواد څخه د ترهګرۍ د ګواښ د له منځه وړلو لپاره پرعزم دي او د زړورو سرتېرو دغه ډول قربانۍ د دوی هوډ لا پياوړی کوي.
د يادونې وړ ده چې د سپټمبر په وروستيو کې د بلوچستان په مستونګ سيمه کې د ميلاد النبي په مراسمو کې په ځانمرګي بريد کې لږ تر لږه ٦٠ کسان وژل شوي او ٦٠ نور ټپيان شوي وو.
