ډید خبري اژانس: د فواید عامې وزارت ویاند اعلان کړی چې د سالنګ لویه لار له دوو ورځو ځنډ وروسته نن چهارشنبه( د کب ۹) سهار نهه بجې د ترافیکو پر مخ پرانیستل شوه.
دغه لار د یکشنبې په ورځ د سختو واورو له امله د ترافیکو پرمخ تړل شوې وه.
طا-لبانو ویلي، چې په سالنګ کې له یو تر یو نیم مترو پورې واوره اورېدلې ده.
د فواید عامې وزارت ویاند محمد اشرف حقشناس له خلکو غوښتي، چې د سالنګ پر لاره د تګ راتګ پر مهال ژمني وسایل له ځانه سره ولري.
د هغه په وينا، د سالنګ په ځينو سيمو کې اوس هم سپکه واوره روانه ده.
ویل شوي چې که د واورې اورښت شدت ومومي او طوفان پیل شي، د سالنګ لویه لار به یو ځل بیا وتړل شي.
