دید خبری آژانس: د طا-لبانو ویندوی ذبیح الله مجاهد د یو شمیر ولایتونو په سطحه او د قول اردو د قومندانۍ د بدلون اعلان وکړ.
د طا-لبانو ویاند د یکشنبې په ورځ (د سرطان ۴مه) په یوه ټوېټ کې لیکلي چې محمد ایوب خالد د بدخشان د والي په توګه، قدرت الله ابو حمزه د کونړ د والي په توګه او مولوی حزب الله د زابل د والي په توګه ټاکل شوی دی.
مجاهد وايي، ښاغلی خالد د کونړ والي، قدرت الله ابو حمزه د زابل والي او د مولوی حزب الله د ۲۱۷ عمري قول اردو قومندان وو.
د طا-لبانو مشر هبت الله اخندزاده هم د بدخشان د ښاري محکمې پخوانی قاضي مولوي عبدالجمیل د دغه ولایت د مرستیال او د بدخشان پخوانی والي امان الدین منصور د ۲۱۷ عمري قول اردو د قومندان په توګه ټاکلی دی. او محمد اغا ابراهیم د دې قول اردو د مرستیال په توګه.
دا په داسې حال کې ده، چې شاوخوا درې اونۍ وړاندې د بدخشان ولایت مرستیال او پخوانی والي نثار احمد احمدي په یوه ځانمرګي برید کې ووژل شو، چې پړه یې داعش ډلې منلې وه.
