دید خبري آژانس: د کندهار والي ملا شیرین د تحریک طا-لبان پاکستان سره د اړیکو د ترینګلتیا په اړه د خبرو لپاره اسلام اباد ته ځي.
د ډان په وینا، ملا شیرین چې یو له لوړ پوړو شخصیتونو څخه دی او د کندهار ولایت والي دی، تمه کیږي چې د راتلونکې میاشتې په پیل کې اسلام آباد ته راشی ترڅو د تحریک طا-لبان پاکستان (TTP) مسلې په اړه د دوه اړخیزو اړیکو کړکیچ حل کړي.
په اسلام اباد کې د ملا شیرین په خبرو کې به د پاکستان له استخباراتي چارواکو او د بهرنیو چارو له وزارت سره لیدنه کتنه وي.
دا سفر د پاکستاني طا-لبانو د هڅولو په اړه د پاکستان سره د کړکیچ د کمولو لپاره د اسلامي امارت د هڅو په تعقیب ترسره کیږي.
په دې لړ کې طا-لبانو تر دې مخکې د جمعیت علمای اسلام مشر مولانا فضل الرحمن کابل ته بللی و او هیله یې څرګنده کړې وه چې د خبرو اترو زمینه برابره کړي.
خو د پاکستان د بهرنیو چارو وزارت د رحمان د سفر اهمیت رد کړ او اعلان یې وکړ چې دا د یو شخص شخصي بلنه وه.
ملا شیرین یو له مهمو شخصیتونو څخه دی چې په نظامي او سیاسي برخو کې یې بېلابېل رولونه لوبولي دي.
د لوړ پوړو مشرتابه سره د هغه نږدې اړیکو او په مهمو فعالیتونو کې ګډون هغه د افغانستان د واکمنانو د مشرتابه جوړښت یو مهم او اغیزمن غړی جوړ کړی دی.
د پاکستاني طا-لبانو د هڅولو پر سر د کړکېچ دوام د پاکستان او طا-لبانو ترمنځ اړیکي ترینګلي کړي دي.
باید و ویل شي، چې ملا فضل الرحمان به د جنورۍ په دریمه کابل ته سفر وکړي.
