دید خبری آژانس: د پاکستان د مالیې وزیر اعلان وکړ چې سعودی عربستان د دغه هیواد په مرکزی بانک کښې دوه میلیارډ ډالره واچولی دی.
د رویټرز په وینا، پاکستان دا پیسې د پیسو له نړیوال صندوق څخه د پور اخیستلو لپاره ترلاسه کړې.
پاکستاني چارواکي د چهارشنبې په ورځ (د سرطان ۲۱مه) د پیسو د نړیوال صندوق (IMF) له چارواکو سره هم غونډه لري.
دغه اداره په پام کې لري چې په دغه هېواد کې د اقتصادي بحران د حل لپاره پاکستان ته درې میلیارده ډالره پور ورکړي.
مالي تضمین پاکستان ته د پورونو د ورکولو لپاره د پیسو نړیوال صندوق (IMF) یو له شرطونو څخه دی.
د پاکستان د مالیې وزیر اسحاق ډار ویلي چې سعودي عربستان د پاکستان د بهرنیو اسعارو د زیرمو د پیاوړي کولو لپاره خپله ژمنه پوره کړې ده.
هغه زیاته کړه چې په دې سعودي کرنسۍ سره د پاکستان د بهرنیو اسعارو ذخیرې ۱۱.۶ میلیارده ډالرو ته رسیږي.
د پاکستاني چارواکو په وینا دغه اندازه پیسې پور نه دي او د بهرنیو زیرمو د پیاوړتیا په موخه د یوه کال لپاره د دغه هیواد په مرکزي بانک کې ساتل کیږي.
پاکستاني چارواکو د سعودي عربستان د مشرتابه د ملاتړ ستاینه وکړه.
