مولوي عبدالکبير د وچکالۍ د ستونزې د حل لپاره د کورنيو او بهرنيو بنسټونو د مرستې غوښتنه وکړه
دید خبری آژانس: د رییس الوزرا سياسي مرستيال مولوي عبدالکبير دکوچيانو له مشرانو سره په کتنه کې له کورنيو او بهرنيو بنسټونو څخه وغوښتل چې د وچکالۍ د ستونزې په حل کې مرسته وکړي.
مولوي عبدالکبير پرون د لغمان ولايت د کوچيانو له خلکو سره په کتنه کې وويل چې کوچيان د هېواد په اقتصاد کې مهم رول لوبوي او چارواکي يې د ستونزو د هواري لپاره ژمن دي.
د دې ولايت د کوچيانو قوم مشرانو د ښوونځيو، روغتيايي کلينيکونو، ښوونځيو او د څښاک د پاکو اوبو نشتوالي ته اشاره وکړه او ويې ويل، چې د سږ کال د وچکالۍ له امله د دوى څاروي هم زيانمن شوي دي.
دوی د هېواد په یو شمېر سیمو کې د څړځایونو د ستونزې د حل غوښتنه هم کړې ده.
د رییس الوزرا سياسي مرستيال د وچکالۍ له امله د کوچيانو مالدارانو ته اوښتو زيانونو ته په اشارې سره زياته کړه، چې په افغانستان کې وچکالۍ د ميليونونو خلکو ژوند له ستونزو سره مخ کړى او د کورنيو او بهرنيو مرستندويه بنسټونو او ادارو ته اړتيا ده. په دې اړه ځانګړې پاملرنه وکړئ.
باید وویل شي چې وچکالي په هیواد کې یو له مهمو بحرانونو څخه دی.
