ډید خبري اژانس: د قزاقستان د ملي امنیت کمېټې ویلي، چې له افغانستانه د ترهګرۍ ګواښ ښايي د شانګهای د همکارۍ سازمان غړو هېوادونو ته خپور شي.
پرون په آستانه کې د شانګهای د همکارۍ سازمان د شورا په څلویښتمه غونډه کې د قزاقستان د ملي امنیت د کمېټې مرستیال روسلان سیسمبایف په افغانستان کې د فعالو تروریستي ډلو د ودې په وړاندې خبرداری ورکړ.
د هغه په وينا، د شانګهاى د همکاريو سازمان د غړو هېوادونو لپاره د تروريستي ګواښ د رامنځته کېدو لامل ځينې مهم عوامل دي.
ده وويل: يو له هغو څخه په افغانستان کې د تروريستي امکاناتو ساتل دي. د طا-لبانو غورځنګ [په قزاقستان کې منع شوی]، چې په ۲۰۲۱ کال کې واک ته ورسېد، په دې کې پاتې راغله چې د یوه اغېزمن حکومتي سیستم په رامنځته کولو او د امنیت د سم کنټرول په یقیني کولو کې پاتې راشي.
د هغه په وينا، افغانستان لا هم د نړيوالو ترهګرو ډلو د جلب او جذب مرکز دى.
د دې کمیټې مرستیال ویلي دي چې په څه باندې ۵۰ تروریستي بریدونو کې تر ۳۵۰ ډیر کسان وژل شوي او تر ۷۰۰ ډیر ټپیان شوي دي.
روسلان څرګنده کړه: د داعش د خراسان څانګه د خپل مخ په زیاتیدونکي توان سره تر ټولو ستر ګواښ دی. د مختلفو اټکلونو له مخې، د غړو شمیر له ۵۰۰ څخه لږ تر ۶۰۰۰ روزل شوي تروریستانو ته لوړ شوی دی.
د هغه په وينا، په ټوليزه توګه اوسني حالت د شانګهاى د همکاريو د سازمان د غړو هېوادونو په خاوره کې د سترو پروژو د پلي کېدو پر وړاندې يو واقعي ګواښ دى.
باید وویل شي، چې داعش تر دې وړاندې هم په کابل کې د روسیې، چین او پاکستان پر ډیپلوماتیکو ماموریتونو بریدونه کړي دي.
