دید خبری آژانس د خبر له مخی، شاعر او د بلخ پوهنتون پخوانی استاد صادق عصیان د ورپیښې ناروغۍ له امله د آلمان په شتوتګارت ښار کې ومړ.
د دغه استاد صادق عصیان زوی فرامرز عصیان نن یکشنبه (۲ میزان) په خپله فیسبوک پاڼه کې د خپل پلار مړینه تایید کړه.
صادق عصیان چې د جمهوري رژیم له نسکوریدو وروسته آلمان ته مهاجر شوی و، له څه مودې راهیسې د استوتګارت په یوه روغتون کې بستر و.
استاد صادق عصیان په ۱۳۵۲ هجري لمریز کال کې په بلخ ولایت کې زیږیدلی دی. تر ماسټرۍ پورې یې د فارسي ژبې او ادبیاتو زده کړې او شاوخوا شل کاله یې د بلخ په پوهنتون کې تدریس کړی دی.
د هغه څو شعري ټولګې او کتابونه چاپ شوي دي.
