دید خبری اژانس: د عراق په نجف او کربلا ښارونو کښې د اربعین حسینی د ماتم د مراسمو له پیل سره سم د نړۍ له ګوټ ګوټ څخه په سلګونو زره زائرین دغو دوو سپیڅلو مقدسو ځایونو ته د ماتم لپاره داخل شول . په دې مراسمو کې لسګونه زره افغان اتباع هم ګډون لري.
په عین وخت کې چې د اربعین حسینی شپه راورسیده، د عراق له مختلفو سیمو څخه په سلګونو زائرینو او د نورو هیوادونو زائرینو چې یو بل نه پیژني، خپل سرونه، مخونه او سینې ووهلې او د لبیک یاحسین نارې یې وهلې.
اربعین د محرم د میاشتې په لسمه نیټه د عاشورا د څلویښتم مراسم دي چې له بیلابیلو هیوادونو څخه په سلګونو زره زائران کربلا او نجف ته راستنیږي.
د راپورونو له مخې، د شیعه، سني او عیسویانو په ګډون په میلیونونو خلک په دې ورځ د کربلا او نجف په سپېڅلو ښارونو کې ګرځي.
دا رسم هر کال عراق ته د زائرانو په تګ سره پیل کیږي او په ۴۰مه ورځ خپل اوج ته رسیږي.
افغانان هر کال کربلا او نجف ته د خپلې عقیدې او اهل بیت علیهم السلام د عقيدت پر بنسټ ځي.
خو سږ کال په کابل کې د ایران سفارت اعلان وکړ چې کربلا ته د زیارت کوونکو د تګ راتګ د اسانتیا په موخه به د کربلا زیارت ته د ننوتلو وړیا ویزې ورکوي.
په هرصورت، د اربعین واک په نړۍ کې ترټولو لوی مذهبي غونډې دي، او په هغې کې د حج له مراسمو څخه ډیر خلک، چې د مسلمانانو ترټولو مهم مذهبي غونډه ده را جمع شی.
