ډید خبري اژانس: د امریکا د بهرنیو چارو وزارت ویاند وايي: یوازې طا-لبان د افغانستان په راتلونکي کې ونډه نه لري او واشنګټن د افغانستان د راتلونکي په جوړولو کې د دغه هېواد له اتباعو، ښځو او نجونو سره مرسته کوي.
د امریکا د بهرنیو چارو د وزارت ویاند متیس میلر پرون (د حوت ۱) په یوه خبري غونډه کې وویل چې په دوحه کې د هېوادونو د ځانګړيو استازو په غونډه کې د سرپرست حکومت نه ګډون د حیرانتیا وړ نه دی. او دا چې دا ډله خپل اهداف لري.
د هغه په وينا، امريکا د دوحې په غونډه کې درې موخې تعقيب کړې؛ په افغانستان کې د ترهګرو ډلو د فعالیت نشتوالی، د یوه ټول شموله حکومت رامنځته کول او د ښځو او نجونو په ګډون د بشری حقونو درناوی.
میلر زیاته کړه: زه د حیرانتیا وړ نه وم چې طا-لبانو د نړیوالې ټولنې په پراخه استازیتوب په غونډه کې د ګډون بلنه ونه منله.
هغه زیاته کړه: موږ هڅه کوو چې د خپلې ډیپلوماسۍ له لارې د مدني ټولنې د ځواکمنتیا لپاره اقدامات وکړو او د نړۍ ټول هېوادونه خامخا دې ته وهڅوو چې دغه لاره تعقیب کړي.
د مېلر دغه څرګندونې په داسې حال کې کېږي، چې له امريکا سره د دوحې په هوکړه ليک کې د خلکو له خوښې پرته جمهوري نظام په ړنګېدو او په هېواد کې د طالبانو واکمني بېرته تر لاسه شوه.
