دید خبري آژانس د خبر له مخې، د پاکستان یو پلاوی د سرحدي کمېټې په غونډه کې د ګډون په موخه افغانستان ته تللی دی.
د پولې دواړو غاړو ته د دوه اړخيزه تجارت او ترانزیټ د عملي کولو لپاره د موثره رابطو او همغږي د ښه کولو لپاره د سرحدي کميټۍ غونډه به دوې اوونۍ روانه وي.
د پاکستان د ترانزیت د ګمرک مشر ارباب قیصر حمید پرون په یوه بیان کې وویل چې د دغه ۱۵ کسیز پلاوي مشري د ترانزیت ګمرکونو د ریاست په غاړه وه.
د ننګرهار ولایت د ګمرک رئیس فضل هادي افغانستان ته د دغه پلاوي د راتګ هرکلی کړی دی.
په دې کتنه کې دواړو لورو د مالونو د تصفيې د ځنډولو په ګډون په بېلابېلو موضوعاتو د نظريو تبادله وکړه او د ستونزو د هواري لپاره يې بېلابېل وړانديزونه وړاندې کړل.
ویل کېږي چې دغه سفر د دواړو هېوادونو ترمنځ د سوداګرۍ د اسانتیا په هدف شوی دی.
