ډيډ خبري اژانس: د افغانستان په چارو کې د ازبکستان او اروپايي ټولنې ځانګړي استازي د افغانستان د حالاتو په اړه د نظر تبادله وکړه.
د افغانستان په چارو کې د ازبکستان د جمهور رئیس ځانګړي استازي عصمت الله ایرگشوف د افغانستان لپاره د اروپايي ټولنې له ځانګړي استازي توماس نیکولاس سره وکتل.
دواړو لورو د ازبکستان او اروپايي ټولنې ترمنځ د څو اړخیزو همکاریو په ځانګړي ډول د افغانستان د اوسني وضعیت په ګډون د سیمه ییز امنیت د ټینګښت په برخه کې پر یو لړ مسایلو خبرې وکړې.
دواړو خواوو د افغانستان د شخړې د هواري او د نړیوالو هڅو په همغږۍ کې د ملګرو ملتونو د رهبرۍ د رول پر اهمیت ټینګار وکړ.
دواړو لوریو موافقه وکړه چې د نویو افغان چارواکو په وړاندې د نړیوالې ټولنې له متحد دریځ پرته د جدي ټولنیز او بشري بحران د حل او په دغه هېواد کې د تلپاتې سولې او ثبات په رامنځته کولو کې مرسته ناشونې ده.
