مجاهد: د نړیوالو له مرستو د طا-لبانو ګټه پورته کول افواه او پروپاګند دی
ډيډ خبري اژانس: د طا-لبانو وياند ذبيح الله مجاهد د طا-لبانو د لاس لرلو او د نړيوالو مرستو د لګولو د ادعاوو په غبرګون کې دا اوازې او پروپاګند بللي او رد يې کړي دي.
په هغه راپور کې چې د امریکا د حکومت د نړیوالې پراختیايي ادارې له خوا جوړ شوی، ویل شوي چې طا-لبان توانېدلي چې په افغانستان کې د نړیوالو مرستندویه موسسو په «اغیزمن ډول» نفوذ وکړي او دا چې طا-لبان «له افغانستان سره نړیوالو مرستو ته د خپل عاید د یوې سرچینې په سترګه ګوري».
د دغه امریکايي بنسټ په راپور کې راغلي: له افغانستان سره نړیوالې مرستې په منظم ډول د طا-لبانو تر واک لاندې عناصرو ته اړول کېږي.
خو ذبیح الله مجاهد رسنیو ته ویلي: موږ په دې برخه کې ډېره روښانه پالیسي لرو، چې خلکو ته د مرستو رسولو په چارو کې هېڅ ډول لاسوهنه نه کوو، چې د بنسټونو له خوا عملي کېږي. یو ډالر یا افغانۍ د اسلامي امارت او دولت په ګټه نه کارول کیږي او نه ورته اړتیا شته.
هغه زیاته کړه: په دې اړه اوازې تبلیغات دي او موږ یې ردوو.
ښاغلي مجاهد وویل چې د طا-لبانو حکومت له مرستندویه موسسو سره د امنیت د تامین په برخه کې او همدارنګه د روڼتیا په برخه کې همکاري کوي.
مجاهد ټینګار وکړ: په مرستو کې هیڅ لاسوهنه نه لرو او نه یې د یوې افغانۍ په بدل کې مصرفوو.
باید وویل شي، چې له افغانستان څخه د لوېدیځ له وتلو وروسته هره میاشت شاوخوا ۱۵۰ میلیونه ډالره نغدې پیسې کابل ته لېږدول کېږي.
