د دید خبري آژانس د خبر له مخې، د افغانستان په چارو کې د امریکا ځانګړي استازي توماس ویست د افغانستان په اړه څو هېوادونو ته د خپل سفر د نوي پړاو د پیل اعلان وکړ.
توماس ویسټ په دې وروستیو کې په خپل ایکس کې لیکلي چې دی به د دسمبر له ۵ څخه تر ۱۵ پورې پاکستان، متحده عربي اماراتو، قطر او سعودي عربستان ته سفر وکړي.
هغه زیاته کړه: زه سترګې په لار یم چې له مهمو شریکانو سره د ګډو امنیتي ګټو، د کډوالو د ساتنې او بیا میشتیدنې، بشري اړتیاوو، بشري حقونو او اقتصادي مسایلو په اړه خبرې اترې وکړي.
د امریکايي چارواکو پرله پسې سفرونه په داسې حال کې دي چې افغانستان د امریکا له شل کلن حضور وروسته لا هم له کړکېچ سره مخ دی.
