په افغانستان کې د ملګرو ملتونو مرستندویه پلاوی (یوناما) وايي، ټاکل شوې نن د افغانستان په اړه د ملګرو ملتونو د امنیت شورا غونډه جوړه شي.
یوناما ویلي، دا غونډه د پنجشنبې په ورځ (د چنگاش ۲ مه) ټاکل شوې ده چې د ملګرو ملتونو سرمنشي انتونیو ګوتریش به د افغانستان په اړه خپل راپور وړاندې کړي.
د بشردوستانه مرستو لپاره د ملګرو ملتونو د سرمنشي مرستیال او د یوناما عمومي مشر رامز الاکبروف به هم امنیت شورا ته راپور ورکړي.
یوناما د ملګرو ملتونو د امنیت شورا د غونډې د اجنډا په اړه څه نه دي ویلي. تمه ده چې په دې غونډه کې به د وروستۍ زلزلې په اړه هم خبرې وشي.
