د دید خبری آژانس د خبر له مخې : د طا-لبانو د پوځ لوی درستیز قاری فصیح الدین بامیان ولایت ته سفر کړی دی. د طا-لبانو د دفاع وزارت ویلي دي چې د نوموړي د سفر موخه د بامیان ولایت د امنیتي وضعیت څیړل دي.
د باختر خبري آژانس چې د طا-لبانو تر واک لاندې کار کوي خبر ورکړ چې د طا-لبانو د ځواکونو د مرکزي قوماندانۍ مشر د باميانو ولايت له سيمه ييزو مقاماتو سره وکتل.
په دې کتنه کې د طا-لبان د دفاع وزارت لوی درستیز د باميانو ولايت امنيتي مسئولينو ته امر وکړ چې ددغه ولايت دامنيت دتامينولو لپاره له جديت څخه کار واخلي.
په تیرو وختونو کې بامیان د افغانستان یو له امنو ولایتونو څخه ګڼل کیده. خو د طا-لبانو په راتګ سره په دغه امنیت کې بدلون راغلی دی.
بامیان ته د طا-لبانو لوی درستیز سفر په داسې حال کې کېږي چې زرګونه بلخابي بې ځایه شوي خلک د طا-لبانو د وژل کېدو له وېرې د بامیانو په غرونو او دښتو کې مېشت شوي دي.
ویل کېږي چې دغو کډوالو ته تر اوسه بېړنۍ مرستې نه دي رسېدلي.
