د ایران د بهرنیو وزیر یو ځل بیا په افغانستان کې د یوه ټول شموله حکومت پر جوړېدو ټینګار وکړ
ډید خبري اژانس: د ایران د بهرنیو چارو وزیر یو ځل بیا په افغانستان کې د یوه ټول شموله حکومت پر جوړېدو ټینګار کړی دی.
د ایران د بهرنیو چارو وزیر حسین امیر عبداللهیان وايي، د افغانستان د سیاسي ننګونو یوازینۍ حل لاره د یوه ټول شموله حکومت جوړول دي.
هغه زیاته کړه، ټول شموله حکومت د افغاني ټولنې د ټولو طبقو په شتون سره کولای شي په دغه هېواد کې د سیاسي ثبات لامل شي.
ښاغلي امیر عبداللهیان دا خبره له یوې ایراني رسنۍ سره په مرکه کې کړې ده.
د ایران د بهرنیو چارو وزیر ویلي، که څه هم طا-لبان په افغانستان کې یو واقعیت دی، خو تهران هغوی د افغانستان د مشروع حکومت په توګه نه پیژني.
په افغانستان کې د یوه ټول شموله حکومت پر جوړولو د ایران ټینګار په دې وروستیو کې د طا-لب چارواکو له غبرګون سره مخ شوی دی.
په تر ټولو بد حالت کې د بهرنیو چارو وزیر امیرخان متقي په طنزیه انداز کې وویل، هغه هېوادونه چې موږ ته ټول شموله حکومت وړاندیز کوي، ایا دوی پخپله داسې حکومت جوړ کړی دی؟
