دید خبری آژانس: د برتانیې د بهرنیو چارو وزیر ډیویډ کامرون ویلي دي چې برتانیه به د فلسطیني دولت په رسمیت پیژندلو ته د یو نه بدلیدونکي سوله ییز حل د رامنځته کولو د ګډو هڅو د یوې برخې په توګه غور وکړي.
د ګارډین په وینا، کامرون وویل چې دا اقدام به د دوه دولتی حل په رامینځته کولو کې مرسته وکړي چې دا مهال د اسراییلو د لومړي وزیر بنیامین نتنیاهو له سخت مخالفت سره مخ دی.
کامرون د دوشنبې په شپه په لندن کې یوې غونډې ته په وینا کې وویل: فلسطینیان باید یو سیاسي افق ولري چې د دوه دولتونو د حل په لور نه بدلیدونکي پرمختګ وګوري.
د برتانیې د بهرنیو چارو وزیر زیاته کړه چې تېره اوونۍ یې په بیت المقدس کې د یوې غونډې په ترڅ کې پر نتانیاهو فشار راوړ چې د اسراییلو او فلسطین د خلکو لپاره د سولې د رامنځته کولو لپاره د دوه دولتی حل لارې ولټوی.
نتانیاهو د متحده ایالاتو په ګډون د متحدینو هڅې رد کړې چې د دې وړاندیز لپاره د هغه ملاتړ ترلاسه کړي ، او د دې د مجبورولو په هڅو یې انتقاد وکړ او ویې ویل چې دا پلان «د اسراییل دولت له خطر سره مخ کوي».
خو کامرون د دوشنبې په ورځ په خپله وینا کې څرګنده کړه چې برتانیا او متحدین یې څنګه کولای شي په ملګرو ملتونو کې د فلسطیني دولت په رسمیت پېژندلو په پام کې نیولو سره فشارونه زیات کړي.
هغه وویل: «موږ باید د دې تعریف پیل کړو چې یو فلسطیني دولت به څه ډول وي – دا به څه وي، دا به څنګه کار وکړي».
هغه زیاته کړه: که داسې وشي، مونږ او زمونږ متحدین به د ملګرو ملتو په شمول د فلسطین د دولت په رسمیت پیژندلو موضوع وڅیړو. دا ممکن یو له هغه شیانو څخه وي چې د دې پروسې نه بدلیدونکي کولو کې مرسته کوي.
کامرون به په روانه اونۍ کې منځني ختیځ ته خپل څلورم سفر د بهرنیو چارو د وزیر په توګه تر سره کړي.
په همدې حال کې د فلسطین د خلکو ملاتړي د بیت المقدس په اړه د دوو دولتونو د حل مخالف دي.
