اروپايي ټولنه: د افغانستان په اړه مو له شریکانو سره په زړه پورې خبرې وکړې
ډید خبري اژانس: د منځنۍ اسیا لپاره د اروپايي ټولنې ځانګړی استازی وايي چې د افغانستان په اړه یې له ملګرو او یوناما سره په زړه پورې خبرې کړې دي.
د منځنۍ اسيا په چارو کې د اروپايي ټولنې ځانګړي استازي تري هاکلا د چهار شنبې په ورځ (۲۵ دلو) په خپل X پاڼه کې د قرغزستان د بهرنيو چارو د وزارت له ميلمه پالنې څخه مننه وکړه.
ټري هاکلا وویل چې د دوحې له غونډې مخکې موږ له خپلو همکارانو او یوناما سره په دې اړه په زړه پورې خبرې وکړې چې څنګه کولای شو په افغانستان کې د اوږدمهاله سولې او ثبات لپاره په ګډه ونډه واخلو.
دا لومړی ځل دی چې قرغزستان د دا ډول غونډې کوربه توب کوي.
د دې غونډې موخه د منځنۍ اسیا د هېوادونو او طا-لبانو ترمنځ د اړیکو او اړیکو زیاتول دي.
د قرغزستان د بهرنیو چارو وزارت هم په یوه بیان کې ویلي چې د بشکیک په غونډه کې به د افغانستان پر ټولنیز او اقتصادي وضعیت، له دغه هېواد سره پر مرستو او همداراز په افغانستان کې د نشهيي توکو له قاچاق او تروریستي فعالیتونو سره پر مبارزې خبرې وشي.
