دید خبری آژانس: له بلخ څخه رپوټونه وایی چې د ښځو او ماشومانو په ګډون د یوې کورنۍ اووه تنه وژل شوی دی.
د بلخ د امنيې قوماندانۍ وياند محمد آصف وزيري وايي، د دې کورنۍ غړي د چمتال ولسوالۍ په جرقلعه کلي کې د نامعلومو وسله والو له خوا وژل شوي دي.
وزيري زياته کړه، چې د دې وژنې قربانيان څلور ماشومان، دوه ښځې او يو سړى دى.
د دغې کورنۍ د غړو د وژنې علت لا نه دی معلوم.
د يادونې وړ ده، چې په دې وروستيو کې د هېواد په بېلابېلو سيمو کې د مرموزو وژنو پېښې زياتې شوې دي.
