ډید خبري اژانس: په ملګرو ملتونو کې د روسیې استازی وايي، لوېدیځ په نړۍ کې د شخړو د زیاتېدو د هڅولو ترڅنګ د کډوالو په اړه دوه مخی سیاست لري.
په جینوا کې د ملګرو ملتونو په مرکزي دفتر کې د روسیې دایمي استازي ګینادي ګاتیلوف تاس ته وویل چې لویدیځ هیوادونه د کډوالو په اړه دوه ګونی معیارونه ښیي، ځکه دوی د سوریې، افغانستان، سوډان او یو شمیر نورو هیوادونو د کډوالو لپاره د مرستو د پروګرامونو تمویلولو ته لیواله نه دي. په حقیقت کې د «طلایی ملیارد» حکومتونو اړتیاوې پوره کوي.
د کډوالو د دوهم نړیوال فورم د پایلو په اړه چې د دسمبر له ۱۳ څخه تر ۱۵ پورې په جینوا کې ترسره شوه، هغه یادونه وکړه چې سیاست «د کډوالو سره د مرستې په هدف د بشري پروګرامونو په تمویل کې مهم رول لري».
ګاتیلوف وویل: لویدیځ هیوادونه چې په ټوله نړۍ کې ډیری شخړې رامینځته کړي، د ملګرو ملتونو د کډوالو د عالي کمیشنرۍ د هغو پروګرامونو تمویل ته زړه نه ښه کوي چې موخه یې د سوریې، افغانستان، سوډان او یو شمیر نورو جګړو کې د ښکیلو هیوادونو کډوالو سره مرسته ده.
روسي ډیپلوماټ زیاته کړه، په دې برخه کې په حقیقت کې د هغو کسانو کمښت نشته چې د اوکراین د اړتیاوو لپاره د «طلایی ملیارد» حکومتونو څخه مرسته وکړي یا څه وکړي.
هغه ویلي دي چې دا دوه مخی سیاست او نړۍ په لومړۍ درجه او دوهمه درجه خلکو ویشل د لویدیځ لخوا پلي کیږي.
د يادونې وړ ده، چې له افغانستان څخه د ناټو ځواکونو له وتلو دوه کاله تېرېږي، چې په زرګونو بې وزله افغان کډوال په ګاونډيو هېوادونو کې مېشت دي، خو خپلو سيمو ته يې په لېږدولو کې ځنډ راځي.
