د پاکستان لومړي وزیر د افغان توکو قاچاق د پاکستان اقتصاد ته د زیان رسولو لامل بولي
دید خبری آژانس: د پاکستان موقت لومړی وزیر ویلی چې له افغانستان څخه خپل هیواد ته د مالونو قاچاق د پاکستان اقتصاد ته زیان رسولی دی.
انوارالحق کاکړ دغه څرګندونې د دوشنبې په ورځ (د زمري ۱۱ مه) د پاکستان د حکومت د کابینې په غونډه کې وکړې.
د انورحق کاکړ مطبوعاتي دفتر د هغه په حواله وايي چې د قاچاق د مخنیوي لپاره باید د تورخم، چمن، غلام خان او د پاکستان په نورو پولو کې د بار وړونکو موټرو د څارنې سیستم پیاوړی شي.
انوارالحق کاکړ د دغه هېواد چارواکو ته امر کړی چې د سوداګریزو توکو په قاچاق کې لاس لرونکي کسان وپېژني او مجازات کړي.
د پاکستان د موقت حکومت لومړي وزیر هم د افغانستان د ټرانزیټي سوداګرۍ تړون (ATTA) پر پیاوړتیا ټینګار کړی دی.
په هرصورت، د توکو د قاچاق د زیاتوالي لامل د مالیاتو لوړه کچه او د ګمرکي تعرفو لوړه کچه د پاکستان د حکومت لخوا وضع شوې ده.
