د مهاجرینو د ورځې په مناسبت د ژغورنې د مقاومت ملي شورا: افغانستان د سیمه ییزو او نړیوالو ترهګرو په خوندي ځاله بدل شوی
ډید خبري اژانس: د ژغورنې ملي مقاومت شورا د کډوالو د نړیوالې ورځې په مناسبت ویلي چې افغانستان د سیمه ییزو او نړیوالو ترهګرو په خوندي ځاله بدل شوی دی.
دې شورا د شنبې په ورځ (د جوزا په ۳۰مه) یوه اعلامیه خپره کړه او ویې ویل چې د افغانستان له سقوط وروسته خلک د هېواد د وتلو لپاره له هرې لارې کار اخلي.
د اعلامیې په یوه برخه کې راغلي: «په داسې حال کې چې افغانستان د طا-لبانو ډلې ته وسپارل شو، د افغانستان خلکو د ترورېزم د پراخېدو له امله له هرې لارې د خپل وطن پرېښودو ته لاره هواره کړه. هوايي ډګر ته د رسېدو ترخې خاطرې، له الوتکې څخه راښکته کېدل او مرګونې چاودنه او د یو شمېر هغو کسانو مړینه چې د کابل په هوايي ډګر او شاوخوا کې د ویستلو بهیر ته د رسېدو لپاره دقیقې شمېرې، د ترورېزم پایله وه».
دغې شورا همدا راز په خپله اعلامیه کې زیاته کړې، چې د ملي مقاومت شورا په دې باور ده، چې افغانستان د سیمه ییزو او نړیوالو ترهګرو په پټنځای بدل شوی، چې له دې سره نه یوازې له افغانستان څخه د غیر قانوني مهاجرتونو څپې زیاتیږي، بلکې د هېواد په شمال او شمال ختیځو پولو کې د ترهګرو ځاله ده. هغه هیوادونه چې منځنۍ اسیا ته د تروریزم د صادراتو لامل ګرځي، له هغو هیوادونو څخه د مهاجرت لړۍ هم په نړۍ کې د مهاجرو شمیر زیاتوي.
د يادونې وړ ده، چې افغانستان له سوريې وروسته په نړۍ کې د کډوالو له پلوه دويم هېواد دى او په تېرو دوو کلونو کې لسګونه زره کسان له دغه هېواده تښتېدلي دي.
