مولوي عبدالجبار: د ښځينه محصلينو استخدام د ملا هبت الله امر ته اړتيا لري
ډید خبري اژانس: د افغانستان د لوړو زده کړو وزارت سلاکار مولوي عبدالجبار وايي، پوهنتونونه د نجونو او مېرمنو د زده کړو لپاره چمتو دي، خو د طا-لبانو د مشر حکم اړین دی.
عبدالجبار وويل: اخندزاده د پوهنتونونو د تړلو امر وکړ، نو وتړل شول. کله چې هغه ووايي چې خلاص شي، دوی به په هماغه ورځ خلاص شي.
هغه زیاته کړه چې د طا-لبانو ټول مشران د (د نجونو د زده کړو د بیا پیلولو) پلوي دي.
هغه زیاته کړه چې اخندزاده سره یې وروستی ځل اووه یا اته کاله مخکې لیدلي وو.
افغانستان اوس یوازینی هیواد دی چې نجونې پکې له زده کړو منع دي او ښځې له کوره بهر کار نه کوي.
په وروستي قضیه کې، طا-لبانو په ټول افغانستان کې د ویښتو سالونونه وتړل چې لږترلږه ۶۰ زره ښځې یې وزګارې کړې.
باید وویل شي، چې داسې ګنګوسې دي، چې ملا هبت الله به پر افغانستان د طا-لبانو د واکمنۍ د دویمې کلیزې په مناسبت د نجونو پر مخ د پوهنتونونو او ښوونځیو دروازې پرانیزي.
