د دید خبري آژانس د خبر له مخې، د سالنګ تونل له څو اونیو تړل کېدو وروسته د سرپرست حکومت د لوړپوړو چارواکو په ګډون د ترافیکو پر مخ پرانیستل شو.
د وزيرانو رییس اقتصادي مرستيال ملا عبدالغني برادر نن چهارشنبه (د قوس ۲۹مه) وويل چې د سالنګ تونل بيارغاونې سوداګرو ته ډېرې اسانتياوې برابرې کړي او د سوداګريزو شتمنيو د لېږد زمينه يې ډېره کړې ده.
ملا برادر په دې مراسمو کې وويل چې د سالنګ د دويم تونل د بيارغونې په اړه هم خبرې روانې دي. د هغه په وينا، طا-لبانو له کورنيو لګښتونو څخه د بنديزونو او ستونزو سره سره ډېر اقتصادي کارونه کړي دي.
دغه تونل د جنوبي اسیا او منځنۍ اسیا د هېوادونو ترمنځ د مالونو په لېږد کې مرسته کوي او افغان سوداګرو ته هم اسانه کوي.
ملا برادر د سالنګ د لویې لارې د بیارغونې پروژه د چنگاش په ۲۱ نیته کې پرانیستله.
هغه مهال د ملا برادر مطبوعاتي دفتر اعلان وکړ، چې د سالنګ د ٨٠ کيلومتره لويې لارې د بيارغونې چارې به د خصوصي سکتور له خوا په دوو کلونو کې بشپړې شي.
ملا برادر د سرطان په میاشت کې د دې پروژې د پرانېستې پر مهال وویل چې دا د قوش تېپې له کانال وروسته دویمه لویه ملي اقتصادي پروژه ده.
چارواکو د سالنګ د تونل د بیارغونې په پیل کې وویل چې د بیارغونې په دې پروژه کې د شمال او جنوبي تونلونه هم شامل دي. دا تونل ۹ شمالي او شمال ختیځ ولایتونه او څلور سوداګریز بندرونه سره نښلوي.
سالنګ د افغانستان یوه له مهمو لویو لارو څخه ده چې کابل د هېواد په شمال کې له څو ولایتونو سره نښلوي. په تېرو مياشتو کې په کابل او شمالي ولايتونو کې موټر چلوونکو او مسافرو د سړکونو له خرابوالي شکايت کاوه.
