د دید خبري اژانس: پاکستاني رسنیو د هیواد په بلوچستان ایالت کې د ګازو د یوې لویې پایپ لاین د چاودنې خبر ورکړ.

د پاکستان په بلوچستان ایالت کې د ګازو د پایپ لاین د چاودنې وروسته، د سویی ګازو له ساحې څخه د پنجاب ایالت یو شمیر سیمو ته د ګازو لیږد ګډوډ شوی دی.
پاکستاني رسنیو راپور ورکړ چې دا ۲۴ انچه پایپ لاین د نامعلومو وسله والو لخوا په نښه شوی دی.
د دې پیښې وروسته، د ملتان، رحیم یار خان او راجن پور ولایتونو په ګډون څو سیمو ته د ګازو لیږد ګډوډ شوی دی.
د دې راپور د خپرولو تر وخته پورې، د زیان د اندازې، احتمالي تلفاتو او د چاودنې د عاملینو د هویت په اړه نور جزئیات نه دي خپاره شوي.