د دید خبري اژانس: په مسکو کې د طالبانو سفیر وايي چې وروسته له هغه چې روسیې دا حکومت په رسمیت وپیژانده، یو شمېر نور هېوادونه هم د دې کار کولو ته نږدې دي.
په روسیه کې د طالبانو سفیر ګل حسن حسن ویلي چې له روسیې وروسته یو شمېر هېوادونه د سرپرست حکومت په رسمیت پېژندلو ته نږدې دي.
د افغانستان سره د اړیکو پراختیا کې د منځنۍ آسیا هېوادونو، روسیې او چین مخ په زیاتیدونکي لیوالتیا ته په اشارې سره، هغه وویل چې افغان چارواکي ځینو هېوادونو ته د سفر لپاره بلل شوي دي.
د طالبانو سفیر کابل ته د روسیې د لوړ پوړي اقتصادي پلاوي د نږدې سفر اعلان هم وکړ، او زیاته یې کړه چې دا سفر به د دواړو خواوو ترمنځ د اقتصادي همکارۍ د پراخولو په هدف ترسره شي.