د دید خبري اژانس: د پنجشیر ولایت د دره ولسوالۍ د فوټسال غوره لیګ د قلعه عبدالله خیل فوټسال ټیم په بریا سره پای ته ورسید.
د ټورنمنټ وروستۍ لوبه، چې نن، د اسد په ۲۵مه، د قلعه عبدالله خیل فوټسال ټیم او پیروزي دره ترمنځ ترسره شوه، د عبدالله خیل فوټسال لوبغاړو په ګټه د ۱۳-۴ په درنه نمرې سره پای ته ورسیده.
د قلعه عبدالله خیل فوټسال ټیم څخه ادریس توکلي او رامین توکلي په ترتیب سره د ټورنمنټ غوره لوبغاړی او غوره ګول وهونکی وپیژندل شول، او د پیروزي دره ټیم څخه مصور د غوره ګول کیپر په توګه وپیژندل شو.
د یادونې وړ ده چې د دره ولسوالۍ د فوټسال غوره لیګ د پنجشیر ولایت له ۲۲ فوټسال ټیمونو په ګډون سره ترسره شو.