د ملا هبتالله آخندزاده له خوا د دریو والیانو او دوو امنیه قوماندانانو بدلون
دید خبری آژانس: ذبیح الله مجاهد د ملا هبت الله آخندزاده له خوا د دریو والیانو او دوو امنیه قوماندانانو د بدلون خبر ورکړی.
د طا-لبانو ویاند ذبیح الله مجاهد په ایکس ټولنیزه شبکه کې لیکلي چې د ملا هبت الله آخندزاده د حکم له مخې د دایکندي پخوانی والي محمد امان عبید د محمد قاسم پر ځای د کابل د والي په توګه ټاکل شوی دی.
د دغه فرمان له مخې د کابل پخوانی والي محمد قاسم خالد د نیمروز د نوي والي په توګه او د دغه ولایت پخوانی والي نجیبالله رفیع د دایکندي د والي په توګه ټاکل شوی دی.
دغه راز د وردګو د پخوانی امنیه قوماندان محمد شریف حلیمي د پکتیکا د امنیه قوماندان په توګه او د پکتیکا پخوانی امنیه قوماندان عبدالقیوم هلال د وردګو د امنیه قوماندان په توګه ټاکل شوی دی.
تر دې وړاندې هم د ملا هبتالله اخندزاده په مشرۍ امنیتي او ملکي چارواکي په کابینه او ولایتي پوستونو بدل شوي دي.
