د دید خبري اژانس: د طالبانو د حکومت د معیارونو او کیفیت ادارې (ASQA) څخه یو دوه کسیز پلاوی د روسیې کازان ته سفر کړی ترڅو د اسلامي هیوادونو د معیارونو او میټرولوژۍ انسټیټیوټ (SMIIC) په کلنۍ غونډه کې ګډون وکړي.
د سازمان د اعلامیې له مخې، د تخنیکي مرستیال مولوي محمد آصف قانع او د سازمان د دفتر رییس مولوي وحید احمد بدري د پلاوي غړي دي.
غونډه به د اکتوبر له ۲۶ څخه تر ۲۸ پورې ترسره شي او د کلنیو فعالیتونو، بودیجې او مالي چارو، اوږدمهاله ستراتیژۍ، د غړو هیوادونو ترمنځ تخنیکي همکارۍ او راتلونکي پلانونو په څیر مسلو به بحث وکړي.
د SMIIC موسسه د اسلامي همکاریو سازمان (OIC) تر چتر لاندې فعالیت کوي او موخه یې د معیارونو همغږي کول، د محصول کیفیت ښه کول، د حلال معیارونو سره یوځای کول او په غړو هیوادونو کې د مصرف کونکو حقونو ساتنه ده.
د طالبانو د حکومت د کیفیت او معیارونو څانګې وویل چې په دې غونډه کې د هیواد شتون د نړیوالو تجربو تبادلې او له اسلامي هیوادونو سره د تخنیکي او مسلکي همکارۍ پیاوړتیا لپاره اساس برابروي.