مجاهد: تېر کال د هېواد په کانونو کې ۱۰ میلیارده افغانۍ پانګونه شوې ده
د دید خبري اژانس: د سرپرست حکومت ویاند ذبیح الله مجاهد اعلان وکړ چې په ۱۴۴۷ هجري کال کې له ۱۰ میلیارده افغانۍ څخه ډېرې پانګونې په کوچنیو او لویو کانونو پروژو کې شوې دي او د هېواد په ۲۷ ولایتونو کې د کانونو وزارت تخنیکي ټیمونو ۴۵ نوې کانونه سیمې په ګوته کړې دي.
تېر کال؛ د هېواد په کانونو کې ۱۰ میلیارده افغانۍ پانګونه شوې ده
د سرپرست حکومت ویاند ذبیح الله مجاهد د “حکومت په هنداره کې د مطبوعاتو” په پروګرام کې وویل چې په ۱۴۴۷ هجري کال کې له ۱۰ میلیارده افغانۍ څخه ډېرې پانګونې د کانونو په سکتور کې شوې دي.
مجاهد زیاته کړه چې د هېواد په ۲۷ ولایتونو کې د کانونو او پټرولیم وزارت تخنیکي ټیمونو د ۴۵ نویو کانونو په پیژندلو او ثبتولو کې بریالي شوي دي، چې د تخنیکي ارزونو وروسته به د قرارداد او استخراج لپاره چمتو شي.
د طالبانو د ویاند په وینا، تیر کال د کانونو د قراردادونو له امله له ۵۰۰۰۰ څخه زیاتو خلکو ته په مستقیم ډول کار ورکړل شوی دی. هغه همدارنګه ټینګار وکړ چې د کانونو د قانون په اړه کار روان دی، چې موخه یې د کانونو د مدیریت او په سکتور کې د پانګونې لپاره د تنظیمي چوکاټ رامینځته کول دي.