د دید خبري اژانس: د طالبانو حکومت د عامې روغتیا وزیر مولوي نور جلال جلالي کندهار ته د خپل سفر په جریان کې د ۱.۵ ملیون ډالرو په لګښت د ۳۵۰ بستریز عینو مینې روغتون د جدي پاملرنې واحد (ICU) پرانیست.
په کندهار کې د عینو مینې روغتون د ۱.۵ ملیون ډالرو په لګښت د جدي پاملرنې واحد سره سمبال شو
جلالي د دې واحد د پرانیستلو پر مهال وویل چې دا ۱۵ بسترونه او معیاري تجهیزات لري او روغتیايي خدمات به اړمنو ناروغانو ته وړاندې شي.
هغه د سې شنبې په ورځ د کندهار ولایت په دامان ولسوالۍ کې د ۵۰ ملیون افغانیو په ارزښت د عمومي روغتون د بنسټ ډبره هم کېښوده.
هغه زیاته کړه چې هغه هڅه کوي چې په هیواد کې روغتیايي خدمات پراخ کړي.