د دید خبري اژانس: د امریکا وال سټریټ ژورنال ورځپاڼې په یوه نوي راپور کې ویلي چې په بحرین کې د امریکا پر سمندري اډې د ایران توغندیو او ډرون بریدونو درانه زیانونه اړولي دي. امریکايي رسنیو د بحرین په سمندري اډه کې د زیانمنو شویو ودانیو د بیارغونې لګښت شاوخوا ۴۰۰ میلیونه ډالر اټکل کړی دی.
په بحرین کې د امریکا پر اډې د ایران بریدونه؛ امریکايي ورځپاڼه: د بیارغونې لګښت شاوخوا ۴۰۰ میلیونه ډالر دی
وال سټریټ ژورنال راپور ورکوي چې په بحرین کې د امریکا پر سمندري اډې د ایران توغندیو او ډرون بریدونو واشنګټن دې ته اړ کړی چې په لویدیځه آسیا کې خپل پوځي دریځ بیاکتنه وکړي.
د خپرو شویو ویډیوګانو او انځورونو او همدارنګه د اوسنیو او پخوانیو امریکایي ځواکونو سره د مرکو په حواله، امریکايي ورځپاڼې وال سټریټ ژورنال لیکلي: د امریکا د سمندري ځواک د پنځمې بیړۍ په مرکزي دفتر کې د قوماندې ودانۍ، لږترلږه ۱۲ نورې ودانۍ او دوه سپوږمکۍ مخابراتي ټرمینلونه زیانمن شوي دي.
رسنیو راپور ورکړی چې امریکایي چارواکي د بحرین د اډې بیا ډیزاین کول، په کویت او سعودي عربستان کې د میشتو ځواکونو شمیر کمول، د اشغال شوي فلسطین په ګډون نورو لویدیځو سیمو ته د ځینو ماموریتونو لیږدول، او د قوماندې مرکزونه ځمکې لاندې تاسیساتو ته لیږدولو په ګډون په انتخابونو غور کوي.