د دید خبري اژانس: راپورونه ښيي چې د باجوړ ولسوالۍ قومي مشرانو د دوشنبې په ورځ اعلان وکړ چې دوی د پاکستاني او افغان قبایلي مشرانو ترمنځ د اوربند په اړه یوې موافقې ته رسیدلي دي. دا ګام د څو ورځو سرحدي نښتو او دواړو خواوو ته د تلفاتو وروسته اخیستل شوی.
په هرصورت، تر اوسه پورې د پاکستاني چارواکو یا افغان طالبانو لخوا په دې اړه کوم رسمي دریځ نه دی اعلان شوی.
د تړون د مسودې له مخې، د باجوړ او مومند ولسوالیو څخه د کنړ ولایت په لور هیڅ ډول ډزې نشي، او په بدل کې به د افغانستان د کنړ ولایت له خاورې څخه ډزې هم ودرول شي.
دا تړون په داسې وخت کې راځي چې د فرضي سرحدي کرښې په سیمو کې وروستیو تاوتریخوالي د شخړې د خپریدو په اړه اندیښنې راپورته کړې دي.