لاوروف: اروپايي ټولنه به له منځنۍ اسیا څخه د روسیې په وتلو کې بریالۍ نه شي
د دید خبري آژانس د خبر له مخې، د روسیې د بهرنیو چارو وزیر سرګي لاوروف ادعا کړې چې اروپايي ټولنه هڅه کوي روسیه له منځنۍ اسیا څخه وباسي، خو بریالي نه شي.
لاوروف د روسیې له دولتي ټلویزیون سره په مرکه کې وویل: «اروپایي ټولنه په هره ممکنه طریقه زموږ د محدودولو او له مرکزي اسیا او جنوبي قفقاز څخه د وتلو نیت نه پټوي».
هغه بیا ټینګار وکړ: دا هڅه به بریالۍ نه شي. روسیه به له لاسه ورنکړي (په دې سیمو کې).
دغه څرګندونې د منځنۍ اسیا څو هېوادونو ته د فرانسې د ولسمشر ایمانویل مکرون له وروستي سفر وروسته شوې دي.
د ایمانویل مکرون وروستیو خبرو ته په غبرګون کې، د روسیې د بهرنیو چارو وزیر، چې د قزاقستان ټینګار یې په ځانګړې توګه د روسیې په تړاو له هر ډول «خالص موافقت» څخه د انکار په اړه څرګند کړ، دا څرګندونې یې د ډیپلوماتیکو ژبې له نظره «ډېرې زړورې» وبللې.
د يادونې وړ ده، چې د فرانسې ولسمشر د روانې مياشتې په پيل کې د منځنۍ اسيا د دوو پخوانيو شوروي جمهوريتونو قزاقستان او ازبکستان ته سفر کړى و.
