اسلایدشوبشري حقونهخبرنړۍ
اسراییل د غزې اوسیدونکو ته ګاز بند کړ
د دید خبري اژانس: د غزې تړانګې چارواکو اعلان کړی چې د څلورمې پرله پسې ورځې لپاره سیمې ته د پخلي ګاز قطع شوی دی.
د غزې تړانګې چارواکو اعلان کړی چې صهیونیسټ رژیم د څلورمې پرله پسې ورځې لپاره سیمې ته د پخلي ګاز د ننوتلو مخه نیولې ده.
د غزې د چارواکو په وینا، د ګازو په ننوتلو دوامداره بندیزونو د سیمې د اوسیدونکو لپاره د خامو موادو او خواړو رسولو کې کړکیچ لا پسې زیات کړی دی.
د ګازو له کمښت وروسته، فلسطیني کورنۍ د پخلي او د خپلو ورځنيو اړتیاوو د پوره کولو په برخه کې له ډیرو ستونزو سره مخ شوي دي؛ یو داسې وضعیت چې د غزې په اوسیدونکو باندې بشري فشارونه زیاتوي.
د غزې چارواکو غوښتنه کړې چې بندیزونه لرې شي او لومړني اړتیاوې سیمې ته د ننوتلو اجازه ورکړل شي.